ИНСТИТУТ ТУРЫНДА

“Татарстан Республикасы Фәннәр академиясе” дәүләт фәнни бюджет учреждениесе, “Татарстан Фәннәр академиясе А.Х.Халиков исемендәге археология институты” исемле аерым бүлекчә 2014 елда барлыкка килә.

Институт Россия Федерациясенең Европа өлешендәге өч әйдәп баручы археологик фәнни институтларның берсе, Идел буенда бердәнбер институт булып тора.

Институт структурасына 6 бүлек керә.
Хәзерге вакытта Институтта 121 хезмәткәр эшли: бюджетта – 82 кеше һәм бюджеттан тыш – 39 кеше.
Институт хезмәткәрләренең төп составы:
64 фәнни хезмәткәр, алар арасында
фән докторы – 6 кеше
фән кандидаты – 24 кеше
1 Татарстан Республикасы Фәннәр академиясенең хакыйкый әгъзасы (академик)
1 Татарстан Республикасы Фәннәр академиясенең мөхбир әгъзасы
1 профессор
5 доцент

Фәнни оешма хезмәткәрләренең уртача яше – 43 яшь, тикшеренүчеләрнең уртача яше – 46 яшь.

Институт “Идел буе археологиясе”(ВАК, Scopus) һәм “Евразия далалары археологиясе” дигән рецензияләнә торган фәнни журналлар нәшер итә.